ilzam be-wafai ke sab apne sar gaye
ilzām be-vafā.ī ke sab apne sar gaye
jaise parinde shaam Dhale apne ghar gaye
dair-o-haram gaye na gaye sū-e-mai-kada
ham tere āstāne pe shām-o-sahar gaye
le kar sharāb piine chale jaam bāda-kash
jis shaam un ke chehre pe gesū bikhar gaye
jab se kisī kī nazr-e-karam ham pe ho ga.ī
kuchh ḳhaas dostoñ ke bhī chehre utar gaye
jis din se mai-kade meñ guzar band ho gayā
saaqī ye pūchhtā hai ke 'maikash' kidhar gaye
ilzam be-wafai ke sab apne sar gaye
jaise parinde sham Dhale apne ghar gaye
dair-o-haram gaye na gaye su-e-mai-kada
hum tere aastane pe sham-o-sahar gaye
le kar sharab pine chale jam baada-kash
jis sham un ke chehre pe gesu bikhar gaye
jab se kisi ki nazr-e-karam hum pe ho gai
kuchh KHas doston ke bhi chehre utar gaye
jis din se mai-kade mein guzar band ho gaya
saqi ye puchhta hai ke 'maikash' kidhar gaye
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
