tum se bichhDe to socha tha bas ek jaan se alag ho gae

tum se bichhḌe to sochā thā bas ek jaañ se alag ho ga.e

ab lagā ek jaañ se nahīñ do jahāñ se alag ho ga.e

ai vatan rah ke pardes meñ aise ghuT ghuT ke rote the ham

jaise bachche kisī bhiiḌ meñ apnī maañ se alag ho ga.e

dāstāñ likhne vaale ne to sab hamāre hī ḳhuuñ se likhā

aur sitam dekhiye phir hamīñ dāstāñ se alag ho ga.e

yaar khilne pe pahre lage aur mahakne pe pābandiyāñ

ab ye samjhe ki ham kis liye gulsitāñ se alag ho ga.e

kārvāñ meñ jo shāmil rahe un ko bas ek manzil milī

un kī vus'at na pūchho ki jo kārvāñ se alag ho ga.e

kyā kahā aap ko chhoḌ kar ham jiyeñge ajī chhoḌiye

kyā sunā hai sitāre kabhī āsmāñ se alag ho ga.e

tum ḳhudā to nahīñ ho 'nadīm' ek din tum bhī mar jāoge

phir takabbur bhalā kis liye tum kahāñ se alag ho ga.e

tum se bichhDe to socha tha bas ek jaan se alag ho gae

ab laga ek jaan se nahin do jahan se alag ho gae

ai watan rah ke pardes mein aise ghuT ghuT ke rote the hum

jaise bachche kisi bhiD mein apni man se alag ho gae

dastan likhne wale ne to sab hamare hi KHun se likha

aur sitam dekhiye phir hamin dastan se alag ho gae

yar khilne pe pahre lage aur mahakne pe pabandiyan

ab ye samjhe ki hum kis liye gulsitan se alag ho gae

karwan mein jo shamil rahe un ko bas ek manzil mili

un ki wus'at na puchho ki jo karwan se alag ho gae

kya kaha aap ko chhoD kar hum jiyenge aji chhoDiye

kya suna hai sitare kabhi aasman se alag ho gae

tum KHuda to nahin ho 'nadim' ek din tum bhi mar jaoge

phir takabbur bhala kis liye tum kahan se alag ho gae