tujhe ab kis liye shikwa hai bachche ghar nahin rahte
tujhe ab kis liye shikwa hai bachche ghar nahin rahte
Maulvi Aslam Waraich
MORE BYMaulvi Aslam Waraich
tujhe ab kis liye shikva hai bachche ghar nahīñ rahte
jo patte zard ho jaa.eñ vo peḌoñ par nahīñ rahte
use jis dhuup meñ jabrī-mashaqqat khīñch laa.ī hai
gharoñ se saa.e bhī us dhuup meñ bāhar nahīñ rahte
jhukā degā tirī gardan ko ye ḳhairāt kā patthar
jahāñ meñ māñgne vāloñ ke ūñche sar nahīñ rahte
yaqīnan ye re'āyā bādshah ko qatl kar degī
musalsal jabr se 'aslam' diloñ meñ Dar nahīñ rahte
tujhe ab kis liye shikwa hai bachche ghar nahin rahte
jo patte zard ho jaen wo peDon par nahin rahte
use jis dhup mein jabri-mashaqqat khinch lai hai
gharon se sae bhi us dhup mein bahar nahin rahte
jhuka dega teri gardan ko ye KHairaat ka patthar
jahan mein mangne walon ke unche sar nahin rahte
yaqinan ye re'aya baadshah ko qatl kar degi
musalsal jabr se 'aslam' dilon mein Dar nahin rahte
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
