is bar to mahrumi-e-ummid ghazab thi
is baar to mahrūmī-e-ummīd ġhazab thī
ye bhī na rahā yaad ki kis shai kī talab thī
nā-kāmī ko taqdīr ke parde meñ chhupā leñ
aur ḳhud hī dilāsa deñ yahī marzī-e-rab thī
kis tarh kareñ apnī nigāhoñ pe bharosa
ai zindagī tujh meñ to koī aur hī chhab thī
tanhā.ī ke jalte hue ḳhvāboñ ne batāyā
vo sub.h kā qissa nahīñ afsāna-e-shab thī
is bar to mahrumi-e-ummid ghazab thi
ye bhi na raha yaad ki kis shai ki talab thi
na-kaami ko taqdir ke parde mein chhupa len
aur KHud hi dilasa den yahi marzi-e-rab thi
kis tarh karen apni nigahon pe bharosa
ai zindagi tujh mein to koi aur hi chhab thi
tanhai ke jalte hue KHwabon ne bataya
wo subh ka qissa nahin afsana-e-shab thi
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
