matam bahut raha mujhe ashk-e-chakida ka

mātam bahut rahā mujhe ashk-e-chakīda kā

āḳhir ko paas aa hī gayā nuur diida kā

nām-firāq phir na liyā maiñ ne umr-bhar

thā zā.iqa zabāñ pe azāb-e-chashīda kā

ab vo mazā nahīñ lab-e-shīrīñ ke qand meñ

chūsā huā hai ye kisī ḳhidmat-rasīda kā

ai charḳh-e-pīr-zor javānī se dar-guzar

ab paas chāhiye tujhe pusht-e-ḳhamīda kā

abrū meñ ḳham jabīñ meñ shikan aañkh meñ ġhazab

kyā mudda.ā hai qātil-e-ḳhanjar-kashīda kā

daulat ġharaz na thī jo duā se huī husūl

thā aur mudda.ā mire dast-e-kashīda kā

ai sakinān-e-charḳh-e-muallā bacho bacho

tūfāñ huā buland mire āb-dīda kā

vo nā-tavāniyāñ haiñ ki jism-e-za.īf par

jaama hai ankabūt ke dām-e-tanīda kā

be-dīd diid meñ nahīñ aate kisī tarah

ġham āshiyāñ hai tā.ir-e-rañg-parīda kā

uḌte haiñ hosh koī bhalā kis tarah sune

afsāna tere vahshī-e-az-ḳhud-ramīda kā

o gul ḳhayāl hai araq-e-jism kā tire

shīsha hai dil hamārā gulāb-e-chakīda kā

yād-e-nigāh-e-mast se hai dil ko intishār

paimāna hai ḳharāb sharāb-e-chakīda kā

qātil ḳhudā se Dar havas-e-zab.h tā-kujā

naala na sun kisī ke gulū-e-burīda kā

mastī ke valvaloñ kā javānī meñ lutf hai

piirī meñ dhyān chāhiye qadd-ḳhamīda kā

jalve dikhā rahā hai ye farsh-e-zamurradīñ

sabza mazār par hai giyāh-e-damīda kā

chaḌhtī hai roz chādar-e-gul jalte haiñ charāġh

ye Dher hai zarūr kisī barguzīda kā

bāloñ ko ai 'nasīm' rañgoge ḳhizāb se

sak ko asā banāoge pusht-e-ḳhamīda kā

matam bahut raha mujhe ashk-e-chakida ka

aaKHir ko pas aa hi gaya nur dida ka

nam-firaq phir na liya main ne umr-bhar

tha zaiqa zaban pe azab-e-chashida ka

ab wo maza nahin lab-e-shirin ke qand mein

chusa hua hai ye kisi KHidmat-rasida ka

ai charKH-e-pir-zor jawani se dar-guzar

ab pas chahiye tujhe pusht-e-KHamida ka

abru mein KHam jabin mein shikan aankh mein ghazab

kya muddaa hai qatil-e-KHanjar-kashida ka

daulat gharaz na thi jo dua se hui husul

tha aur muddaa mere dast-e-kashida ka

ai sakinan-e-charKH-e-mualla bacho bacho

tufan hua buland mere aab-dida ka

wo na-tawaniyan hain ki jism-e-zaif par

jama hai ankabut ke dam-e-tanida ka

be-did did mein nahin aate kisi tarah

gham aashiyan hai tair-e-rang-parida ka

uDte hain hosh koi bhala kis tarah sune

afsana tere wahshi-e-az-KHud-ramida ka

o gul KHayal hai araq-e-jism ka tere

shisha hai dil hamara gulab-e-chakida ka

yaad-e-nigah-e-mast se hai dil ko intishaar

paimana hai KHarab sharab-e-chakida ka

qatil KHuda se Dar hawas-e-zabh ta-kuja

nala na sun kisi ke gulu-e-burida ka

masti ke walwalon ka jawani mein lutf hai

piri mein dhyan chahiye qadd-KHamida ka

jalwe dikha raha hai ye farsh-e-zamurradin

sabza mazar par hai giyah-e-damida ka

chaDhti hai roz chadar-e-gul jalte hain charagh

ye Dher hai zarur kisi barguzida ka

baalon ko ai 'nasim' rangoge KHizab se

sak ko asa banaoge pusht-e-KHamida ka