jin par bhi aap mail-e-lutf-o-karam hue

jin par bhī aap mā.il-e-lutf-o-karam hue

vo log rafta rafta sarāpā alam hue

majnūñ bahut sharīf the raazī ba-ġham hue

lailā thiiñ ḳhush-nasīb ki vo the na ham hue

ye sab safīr maġhribī jamhūriyat ke haiñ

rocket hue jahāz hue tank bam hue

vo muskurā ke dekh rahe haiñ raqīb ko

lagtā hai ye bhī rāhī-e-mulk-e-'adam hue

tārīḳh hai gavāh ki darbār-e-husn meñ

gaḌbaḌ huī hai dīda-o-dil jab baham hue

naqsh-e-qadam pe jab asadullāh ke chale

jām-e-sifāl jitne bhī the jām-e-jam hue

do-roza zindagī meñ kahāñ hoñge ye gunāh

jo likkhe vo batā.e ki kaise raqam hue

jab irtibāt us nigah-e-nāz se baḌhā

ahbāb bhī hamāre ba-tadrīj kam hue

insāniyat pe zulm hue haiñ jo aaj tak

saare ba-nām-e-'adl ḳhudā kī qasam hue

'zāmin' sabhī haiñ 'azmat-e-'ġhālib' ke mo'tarif

vo tum hue ki 'zauq' hue yā vo ham hue

jin par bhi aap mail-e-lutf-o-karam hue

wo log rafta rafta sarapa alam hue

majnun bahut sharif the raazi ba-gham hue

laila thin KHush-nasib ki wo the na hum hue

ye sab safir maghribi jamhuriyat ke hain

rocket hue jahaz hue tank bam hue

wo muskura ke dekh rahe hain raqib ko

lagta hai ye bhi rahi-e-mulk-e-'adam hue

tariKH hai gawah ki darbar-e-husn mein

gaDbaD hui hai dida-o-dil jab baham hue

naqsh-e-qadam pe jab asadullah ke chale

jam-e-sifal jitne bhi the jam-e-jam hue

do-roza zindagi mein kahan honge ye gunah

jo likkhe wo batae ki kaise raqam hue

jab irtibaat us nigah-e-naz se baDha

ahbab bhi hamare ba-tadrij kam hue

insaniyat pe zulm hue hain jo aaj tak

sare ba-nam-e-'adl KHuda ki qasam hue

'zamin' sabhi hain 'azmat-e-'ghaalib' ke mo'tarif

wo tum hue ki 'zauq' hue ya wo hum hue