ye shahr har dil ki aarzu hai ye lakhnau hai ye lakhnau hai

ye shahr har dil kī aarzū hai ye lakhna.ū hai ye lakhna.ū hai

ye 'mīr'-o-'nāsiḳh' kī aabrū hai ye lakhna.ū hai ye lakhna.ū hai

jo lakhna.ū dekhnā ho tum ko zarūr dekho magar batāo

nigāh bhī kyā ye bā-vuzū hai ye lakhna.ū hai ye lakhna.ū hai

na tū taḌākā na bad-tamīzī adab se bāteñ adab kī bāteñ

judā hī andāz-e-guftugū hai ye lakhna.ū hai ye lakhna.ū hai

jahāñ pe urdu ne husn paayā vahāñ pe ham bhī adab ko sīkheñ

har ek dil kī ye aarzū hai ye lakhna.ū hai ye lakhna.ū hai

nigāheñ hairān karne vaale sabhī nazāre baḌe nirāle

har ek manzar hī ḳhūb-rū hai ye lakhna.ū hai ye lakhna.ū hai

kahīñ bhī jaa.eñ sukūñ na paa.eñ ḳhayāl is kā hī 'rūbī' aa.e

hameñ to bas jis kī justujū hai ye lakhna.ū hai ye lakhna.ū hai

ye shahr har dil ki aarzu hai ye lakhnau hai ye lakhnau hai

ye 'mir'-o-'nasiKH' ki aabru hai ye lakhnau hai ye lakhnau hai

jo lakhnau dekhna ho tum ko zarur dekho magar batao

nigah bhi kya ye ba-wuzu hai ye lakhnau hai ye lakhnau hai

na tu taDaka na bad-tamizi adab se baaten adab ki baaten

juda hi andaz-e-guftugu hai ye lakhnau hai ye lakhnau hai

jahan pe urdu ne husn paya wahan pe hum bhi adab ko sikhen

har ek dil ki ye aarzu hai ye lakhnau hai ye lakhnau hai

nigahen hairan karne wale sabhi nazare baDe nirale

har ek manzar hi KHub-ru hai ye lakhnau hai ye lakhnau hai

kahin bhi jaen sukun na paen KHayal is ka hi 'rubi' aae

hamein to bas jis ki justuju hai ye lakhnau hai ye lakhnau hai