suna paDa adab ka hai bazar aaj-kal
suunā paḌā adab kā hai bāzār āj-kal
dikhte nahīñ suḳhan ke ḳharīdār āj-kal
tum ne mire mizāj ko majbūr kar diyā
alfāz kar rahe haiñ jo takrār āj-kal
ab dushmanoñ kī koī zarūrat nahīñ mujhe
āñkheñ badal rahe haiñ mire yaar āj-kal
aḳhlāq kā patā to chalā mushkiloñ ke vaqt
shāna-ba-shāna aa gaye aġhyār āj-kal
jis ne zamīr bech ke daulat kamā.ī hai
vo dekhtā hai kyuuñ mirā me'yār āj-kal
anjām ye huā hai tirī nafratoñ kā dekh
raddī meñ bik rahā hai vo aḳhbār āj-kal
'ġhāfil' tumheñ gurez thā kal tak to 'ishq se
ab ho rahe ho 'ishq meñ bīmār āj-kal
suna paDa adab ka hai bazar aaj-kal
dikhte nahin suKHan ke KHaridar aaj-kal
tum ne mere mizaj ko majbur kar diya
alfaz kar rahe hain jo takrar aaj-kal
ab dushmanon ki koi zarurat nahin mujhe
aankhen badal rahe hain mere yar aaj-kal
aKHlaq ka pata to chala mushkilon ke waqt
shana-ba-shana aa gaye aghyar aaj-kal
jis ne zamir bech ke daulat kamai hai
wo dekhta hai kyun mera me'yar aaj-kal
anjam ye hua hai teri nafraton ka dekh
raddi mein bik raha hai wo aKHbar aaj-kal
'ghafil' tumhein gurez tha kal tak to 'ishq se
ab ho rahe ho 'ishq mein bimar aaj-kal
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
