jo lafz joD toD ke mashhur ho gae

jo lafz joḌ toḌ ke mash.hūr ho ga.e

ahl-e-suḳhan unhī se hī ranjūr ho ga.e

jo ahl-e-zarf the vo yūñhī chup kiye rahe

kuchh daad pā ke thoḌī sī maġhrūr ho ga.e

bāzār-e-maslahat meñ jo bikne lage zamīr

vo dekhte hī dekhte manzūr ho ga.e

qaa.em rahe jo rasm-e-husainī pe 'umr bhar

vo dāstān-e-vaqt meñ mazkūr ho ga.e

jo ahl-e-dil the dard ko siine meñ le chale

kuchh be-zamīr raah se mafrūr ho ga.e

kirdār kī kitāb ko kis ne bhalā paḌhā

chehroñ pe likkhe jhuuT hī manshūr ho ga.e

lahje meñ talḳh sach huā bhārī jo jaan par

kuchh log kam-shanās the majbūr ho ga.e

ham apnī sādgī pe hamesha DaTe rahe

'ambar' vo apnī chaal pe masrūr ho ga.e

jo lafz joD toD ke mashhur ho gae

ahl-e-suKHan unhi se hi ranjur ho gae

jo ahl-e-zarf the wo yunhi chup kiye rahe

kuchh dad pa ke thoDi si maghrur ho gae

bazar-e-maslahat mein jo bikne lage zamir

wo dekhte hi dekhte manzur ho gae

qaem rahe jo rasm-e-husaini pe 'umr bhar

wo dastan-e-waqt mein mazkur ho gae

jo ahl-e-dil the dard ko sine mein le chale

kuchh be-zamir rah se mafrur ho gae

kirdar ki kitab ko kis ne bhala paDha

chehron pe likkhe jhuT hi manshur ho gae

lahje mein talKH sach hua bhaari jo jaan par

kuchh log kam-shanas the majbur ho gae

hum apni sadgi pe hamesha DaTe rahe

'ambar' wo apni chaal pe masrur ho gae