lamhe lamhe ki na-rasai hai
lamhe lamhe kī nā-rasā.ī hai
zindagī hālat-e-judā.ī hai
mard-e-maidāñ huuñ apnī zaat kā maiñ
maiñ ne sab se shikast khaa.ī hai
ik ajab haal hai ki ab us ko
yaad karnā bhī bevafā.ī hai
ab ye sūrat hai jān-e-jāñ ki tujhe
bhūlne meñ mirī bhalā.ī hai
ḳhud ko bhūlā huuñ us ko bhūlā huuñ
umr bhar kī yahī kamā.ī hai
maiñ hunar-mand-e-rañg huuñ maiñ ne
ḳhuun thūkā hai daad paa.ī hai
jaane ye tere vasl ke hañgām
terī furqat kahāñ se aa.ī hai
lamhe lamhe ki na-rasai hai
zindagi haalat-e-judai hai
mard-e-maidan hun apni zat ka main
main ne sab se shikast khai hai
ek ajab haal hai ki ab us ko
yaad karna bhi bewafai hai
ab ye surat hai jaan-e-jaan ki tujhe
bhulne mein meri bhalai hai
KHud ko bhula hun us ko bhula hun
umr bhar ki yahi kamai hai
main hunar-mand-e-rang hun main ne
KHun thuka hai dad pai hai
jaane ye tere wasl ke hangam
teri furqat kahan se aai hai
- Book : lekin, (Pg. 201)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
