kyun aankhen band kar ke raste mein chal raha hun

kyuuñ āñkheñ band kar ke raste meñ chal rahā huuñ

kyā maiñ bhī rafta rafta patthar meñ Dhal rahā huuñ

chāroñ taraf haiñ shole ham-sā.e jal rahe haiñ

maiñ ghar meñ baiThā baiThā bas haath mal rahā huuñ

mere dhueñ se merī har saañs ghuT rahī hai

maiñ raah kā diyā huuñ aur ghar meñ jal rahā huuñ

āñkhoñ pe chhā gayā hai koī tilism shāyad

palkeñ jhapak rahā huuñ manzar badal rahā huuñ

tabdīliyoñ kā nashsha mujh par chaḌhā huā hai

kapḌe badal rahā huuñ chehra badal rahā huuñ

is faisle se ḳhush haiñ afrād ghar ke saare

apnī ḳhushī se kab maiñ ghar se nikal rahā huuñ

in pattharoñ pe chalnā aa jā.egā mujhe bhī

Thokar to khā rahā huuñ lekin sambhal rahā huuñ

kāñToñ pe jab chalūñgā raftār tez hogī

phūloñ bharī ravish par bach bach ke chal rahā huuñ

chashme kī tarah 'ālam' ash.ār phūTte haiñ

koh-e-girāñ kī sūrat meñ bhī ubal rahā huuñ

kyun aankhen band kar ke raste mein chal raha hun

kya main bhi rafta rafta patthar mein Dhal raha hun

chaaron taraf hain shole ham-sae jal rahe hain

main ghar mein baiTha baiTha bas hath mal raha hun

mere dhuen se meri har sans ghuT rahi hai

main rah ka diya hun aur ghar mein jal raha hun

aankhon pe chha gaya hai koi tilism shayad

palken jhapak raha hun manzar badal raha hun

tabdiliyon ka nashsha mujh par chaDha hua hai

kapDe badal raha hun chehra badal raha hun

is faisle se KHush hain afrad ghar ke sare

apni KHushi se kab main ghar se nikal raha hun

in pattharon pe chalna aa jaega mujhe bhi

Thokar to kha raha hun lekin sambhal raha hun

kanTon pe jab chalunga raftar tez hogi

phulon bhari rawish par bach bach ke chal raha hun

chashme ki tarah 'alam' ashaar phuTte hain

koh-e-giran ki surat mein bhi ubal raha hun