nit nai kitni kitaben chaTti rahti hun main

nit na.ī kitnī kitābeñ chāTtī rahtī huuñ maiñ

aur jo kuchh paḌh chukī huuñ bhūltī rahtī huuñ maiñ

maiñ ki huuñ dīvāngī ke moḌ par baiThī huī

rāsta-chaltoñ pe patthar pheñktī rahtī huuñ maiñ

chīḳhte lamhāt ke gumbad meñ huuñ ab tak asiir

har ghaḌī bāhar kā rasta DhūñDtī rahtī huuñ maiñ

bā-vajūd is ke ki merā kuchh nahīñ lagtā hai tū

naam koī le tirā to sochtī rahtī huuñ maiñ

raat jab aatī hai ug aatī hai ik dīvār-e-sang

jis ko zaḳhmī nāḳhunoñ se khodtī rahtī huuñ maiñ

nit nai kitni kitaben chaTti rahti hun main

aur jo kuchh paDh chuki hun bhulti rahti hun main

main ki hun diwangi ke moD par baiThi hui

rasta-chalton pe patthar phenkti rahti hun main

chiKHte lamhat ke gumbad mein hun ab tak asir

har ghaDi bahar ka rasta DhunDti rahti hun main

ba-wajud is ke ki mera kuchh nahin lagta hai tu

nam koi le tera to sochti rahti hun main

raat jab aati hai ug aati hai ek diwar-e-sang

jis ko zaKHmi naKHunon se khodti rahti hun main