koi gila na shor-sharaba kiya gaya
koī gila na shor-sharāba kiyā gayā
chup-chāp sirf apnā ḳhasāra kiyā gayā
dil Dar rahā thā aur bichhaḌnā bhī farz thā
so us ko bosa de ke ravāna kiyā gayā
cigarette kā kash lagā ke ḳhayāloñ kī mauj meñ
vo kyā thā jis kā aaj tamāshā kiyā gayā
tum jānte nahīñ ho tumhāre firāq meñ
dil ke qarār ke liye kyā kyā kiyā gayā
terī taraf bhī baḳht kahāñ der tak rahe
merī taraf bhī sirf guzārā kiyā gayā
kitne hī ghuḌ-savār vahāñ muñh ke bal gire
us kī taraf se ek ishāra kiyā gayā
dar-asl us ne pyaar kiyā aur shaḳhs se
'hassām' mere saath Drama kiyā gayā
koi gila na shor-sharaba kiya gaya
chup-chap sirf apna KHasara kiya gaya
dil Dar raha tha aur bichhaDna bhi farz tha
so us ko bosa de ke rawana kiya gaya
cigarette ka kash laga ke KHayalon ki mauj mein
wo kya tha jis ka aaj tamasha kiya gaya
tum jaante nahin ho tumhaare firaq mein
dil ke qarar ke liye kya kya kiya gaya
teri taraf bhi baKHt kahan der tak rahe
meri taraf bhi sirf guzara kiya gaya
kitne hi ghuD-sawar wahan munh ke bal gire
us ki taraf se ek ishaara kiya gaya
dar-asl us ne pyar kiya aur shaKHs se
'hassam' mere sath Drama kiya gaya
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
