hai tera gal mal bose ka

hai tirā gaal maal bose kā

kyuuñ na kiije savāl bose kā

muñh lagāte hī hoñTh par tere

paḌ gayā naqsh laal bose kā

zulf kahtī hai us ke mukhḌe par

ham ne maarā hai jaal bose kā

sub.h ruḳhsār us ke niile the

shab jo guzrā ḳhayāl bose kā

añkhḌiyāñ surḳh ho ga.iiñ chaT se

dekh liije kamāl bose kā

jaan nikle hai aur miyāñ de Daal

aaj va.ada na Taal bose kā

gāliyāñ aap shauq se diije

raf.a kiije malāl bose kā

hai ye taaza shagūfa aur suno

phuul laayā nihāl bose kā

aks se aa.ine meñ kahtā hai

khīñch kar infi.āl bose kā

barg-e-gul se jo chiiz nāzuk hai

vaañ kahāñ ehtimāl bose kā

dekh 'inshā' ne kyā kiyā hai qahr

mutahammil ye gaal bose kā

hai tera gal mal bose ka

kyun na kije sawal bose ka

munh lagate hi honTh par tere

paD gaya naqsh lal bose ka

zulf kahti hai us ke mukhDe par

hum ne mara hai jal bose ka

subh ruKHsar us ke nile the

shab jo guzra KHayal bose ka

ankhDiyan surKH ho gain chaT se

dekh lije kamal bose ka

jaan nikle hai aur miyan de Dal

aaj wada na Tal bose ka

galiyan aap shauq se dije

rafa kije malal bose ka

hai ye taza shagufa aur suno

phul laya nihaal bose ka

aks se aaine mein kahta hai

khinch kar infial bose ka

barg-e-gul se jo chiz nazuk hai

wan kahan ehtimal bose ka

dekh 'insha' ne kya kiya hai qahr

mutahammil ye gal bose ka