aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

kisi sabab se agar bolta nahin hun main

Iftikhar Mughal

kisi sabab se agar bolta nahin hun main

Iftikhar Mughal

MORE BYIftikhar Mughal

    kisī sabab se agar boltā nahīñ huuñ maiñ

    to yuuñ nahīñ ki tujhe sochtā nahīñ huuñ maiñ

    maiñ tum ko ḳhud se judā kar ke kis tarah dekhūñ

    ki maiñ bhī tum huuñ, koī dūsrā nahīñ huuñ maiñ

    to ye bhī tai! ki bichhaḌ kar bhī log jiite haiñ

    maiñ rahā huuñ agarche jiyā nahīñ huuñ maiñ

    kisī meñ koī baḌā-pan mujhe dikhā.ī na de

    ḳhudā shukr ki itnā baḌā nahīñ huuñ maiñ

    mirī uThān har iiñT maiñ ne rakkhī hai

    maiñ ḳhud banā huuñ banāyā huā nahīñ huuñ maiñ

    yahāñ jo aa.egā vo ḳhud ko haar jā.egā

    qimār-ḳhāna-e-jāñ meñ nayā nahīñ huuñ maiñ

    mire vajūd ke andar mujhe talāsh na kar

    ki is makān meñ aksar rahā nahīñ huuñ maiñ

    maiñ ek umr se ḳhud ko talāshtā huuñ magar

    mujhe yaqīn nahīñ, huuñ bhī nahīñ huuñ maiñ

    maiñ ik gumān imkāñ huuñ 'iftiḳhār'-muġhal

    ki ho to saktā huuñ lekin huā nahīñ huuñ maiñ

    kisi sabab se agar bolta nahin hun main

    to yun nahin ki tujhe sochta nahin hun main

    main tum ko KHud se juda kar ke kis tarah dekhun

    ki main bhi tum hun, koi dusra nahin hun main

    to ye bhi tai! ki bichhaD kar bhi log jite hain

    main ji raha hun agarche jiya nahin hun main

    kisi mein koi baDa-pan mujhe dikhai na de

    KHuda ka shukr ki itna baDa nahin hun main

    meri uThan ki har inT main ne rakkhi hai

    main KHud bana hun banaya hua nahin hun main

    yahan jo aaega wo KHud ko haar jaega

    qimar-KHana-e-jaan mein naya nahin hun main

    mere wajud ke andar mujhe talash na kar

    ki is makan mein aksar raha nahin hun main

    main ek umr se KHud ko talashta hun magar

    mujhe yaqin nahin, hun bhi ya nahin hun main

    main ek guman ka imkan hun 'iftiKHar'-mughal

    ki ho to sakta hun lekin hua nahin hun main

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now