tu doston se kabhi pyar se nahin milta
tū dostoñ se kabhī pyaar se nahīñ miltā
tirā 'amal tire ash'ār se nahīñ miltā
zamāna jāntā hai tere naam se jis ko
vo aadmī tire kirdār se nahīñ miltā
isī liye bhī ḳhabar rahtī hai tujhe apnī
tū aaj kal kisī aḳhbār se nahīñ miltā
tumhārī rabt kī afsurda raushnī kā ḳhayāl
charāġh-e-shauq ke me'yār se nahīñ miltā
tu doston se kabhi pyar se nahin milta
tera 'amal tere ash'ar se nahin milta
zamana jaanta hai tere nam se jis ko
wo aadmi tere kirdar se nahin milta
isi liye bhi KHabar rahti hai tujhe apni
tu aaj kal kisi aKHbar se nahin milta
tumhaari rabt ki afsurda raushni ka KHayal
charagh-e-shauq ke me'yar se nahin milta
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
