mere dushman ke liye aaKHri hathyar bana

mere dushman ke liye āḳhrī hathyār banā

phir nishāna mire mohsin mirā kirdār banā

'azm-o-himmat ko tū apne liye patvār banā

aur kirdār ko sūraj sā chamakdār banā

jis ko chāhā thā dil-o-jān se baḌh kar maiñ ne

vo mirā dost hī ġhairoñ kā taraf-dār banā

maiñ ne sach bol ke har baar sazā paa.ī hai

jhuuT bolā to zamāna mirā ġham-ḳhvār banā

merī ḳhāmoshī ko kamzorī samajhne vaalo

vaqt paḌne pe yahī sabr thā talvār banā

jis ko siine se lagāyā thā samajh kar apnā

chand lamhoñ meñ vahī dard kā bāzār banā

ham ne har baar nibhā.ī thī jo chāhat dil se

usī chāhat kā tamāsha hī to har baar banā

jis pe karte the bharosa vahī dil toḌ gayā

phir vahī shaḳhs mire ġham kā ḳharīdār banā

jis ne shiddat se kisī fan pe mashaqqat kī ho

phir vahī shaḳhs zamāne meñ hai fankār banā

ham ne mehnat se sañvārā hai muqaddar apnā

ḳhvāb phir vo hī haqīqat kā talab-gār banā

apne aḳhlāq ko pahchān banā kar 'zāhir'

sab kī nazroñ meñ tū hī sāhib-e-kirdār banā

mere dushman ke liye aaKHri hathyar bana

phir nishana mere mohsin mera kirdar bana

'azm-o-himmat ko tu apne liye patwar bana

aur kirdar ko suraj sa chamakdar bana

jis ko chaha tha dil-o-jaan se baDh kar main ne

wo mera dost hi ghairon ka taraf-dar bana

main ne sach bol ke har bar saza pai hai

jhuT bola to zamana mera gham-KHwar bana

meri KHamoshi ko kamzori samajhne walo

waqt paDne pe yahi sabr tha talwar bana

jis ko sine se lagaya tha samajh kar apna

chand lamhon mein wahi dard ka bazar bana

hum ne har bar nibhai thi jo chahat dil se

usi chahat ka tamasha hi to har bar bana

jis pe karte the bharosa wahi dil toD gaya

phir wahi shaKHs mere gham ka KHaridar bana

jis ne shiddat se kisi fan pe mashaqqat ki ho

phir wahi shaKHs zamane mein hai fankar bana

hum ne mehnat se sanwara hai muqaddar apna

KHwab phir wo hi haqiqat ka talab-gar bana

apne aKHlaq ko pahchan bana kar 'zahir'

sab ki nazron mein tu hi sahib-e-kirdar bana