iKHlas-o-uKHuwwat ka jo paikar nahin hota

iḳhlās-o-uḳhuvvat kā jo paikar nahīñ hotā

vo shaḳhs jahāñ meñ kabhī sarvar nahīñ hotā

pūchhe koī un se dil-e-betāb kī hālat

ik lamha sukūñ jin ko mayassar nahīñ hotā

parvāz hī dar-asl hamārā hai muqaddar

ham jaise parindoñ kā koī ghar nahīñ hotā

ham apne hī ā'māl se pastī ke makīñ haiñ

varna koī saanī koī ham-sar nahīñ hotā

in tiira nasīboñ kī tarah ham bhī bhaTakte

zehnoñ meñ agar sub.h kā manzar nahīñ hotā

maiñ us se muqābil kabhī hotā nahīñ 'kāvish'

dushman jo mire qad ke barābar nahīñ hotā

iKHlas-o-uKHuwwat ka jo paikar nahin hota

wo shaKHs jahan mein kabhi sarwar nahin hota

puchhe koi un se dil-e-betab ki haalat

ek lamha sukun jin ko mayassar nahin hota

parwaz hi dar-asl hamara hai muqaddar

hum jaise parindon ka koi ghar nahin hota

hum apne hi aa'mal se pasti ke makin hain

warna koi sani koi ham-sar nahin hota

in tera nasibon ki tarah hum bhi bhaTakte

zehnon mein agar subh ka manzar nahin hota

main us se muqabil kabhi hota nahin 'kawish'

dushman jo mere qad ke barabar nahin hota