guftugu karne se pahle mujhe aadab kare
guftugū karne se pahle mujhe ādāb kare
merī murjhā.ī tabī'at ko vo shādāb kare
maiñ khiñchā jaatā huuñ bin Dor usī kī jānib
us kī āñkhoñ kī kashish yuuñ mujhe betāb kare
us ke jalvoñ kī chamak chāñdnī rāteñ jaise
us ke jalvoñ se hasad aaj bhī mahtāb kare
ek tū hai ki tujhe yaad na aa.ī us kī
ek vo shaḳhs tirī yādoñ ko nāyāb kare
terī yādoñ ne mirī niiñd uḌaa.ī aise
raat bhar guftugū āñkhoñ se vo mahtāb kare
aañkh rone pe jo aa.e to bahā de dariyā
kitne jalte hue sahrāoñ ko sairāb kare
mujh ko apnoñ ne yuuñ barbād kiyā hai 'amjad'
jaise barbād kisī chehre ko tezāb kare
guftugu karne se pahle mujhe aadab kare
meri murjhai tabi'at ko wo shadab kare
main khincha jata hun bin Dor usi ki jaanib
us ki aankhon ki kashish yun mujhe betab kare
us ke jalwon ki chamak chandni raaten jaise
us ke jalwon se hasad aaj bhi mahtab kare
ek tu hai ki tujhe yaad na aai us ki
ek wo shaKHs teri yaadon ko nayab kare
teri yaadon ne meri nind uDai aise
raat bhar guftugu aankhon se wo mahtab kare
aankh rone pe jo aae to baha de dariya
kitne jalte hue sahraon ko sairab kare
mujh ko apnon ne yun barbaad kiya hai 'amjad'
jaise barbaad kisi chehre ko tezab kare
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
