daur-e-hazir mein bhi qissa wahi inkar ka hai
daur-e-hāzir meñ bhī qissa vahī inkār kā hai
ye jo jhagḌā hai saroñ kā nahīñ dastār kā hai
laakh dikhlāte rahe jauhar-e-afkār-o-hunar
tazkira bazm meñ fan kā nahīñ fankār kā hai
'umr bhar ke liye jo dil meñ utar jaatā hai
ruḳh-e-raushan kā nahīñ husn vo kirdār kā hai
kis kī taḳhlīq hai kaisī hai kahīñ naam nahīñ
zikr mahfil meñ har ik samt adākār kā hai
dhuup se nafs kī bachne ke liye kaafī hai
mere āñgan meñ jo saaya tirī dīvār kā hai
daur-e-hazir mein bhi qissa wahi inkar ka hai
ye jo jhagDa hai saron ka nahin dastar ka hai
lakh dikhlate rahe jauhar-e-afkar-o-hunar
tazkira bazm mein fan ka nahin fankar ka hai
'umr bhar ke liye jo dil mein utar jata hai
ruKH-e-raushan ka nahin husn wo kirdar ka hai
kis ki taKHliq hai kaisi hai kahin nam nahin
zikr mahfil mein har ek samt adakar ka hai
dhup se nafs ki bachne ke liye kafi hai
mere aangan mein jo saya teri diwar ka hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
