khuli thi aankh samundar ki mauj-e-KHwab tha wo

khulī thī aañkh samundar kī mauj-e-ḳhvāb thā vo

kahīñ pata na thā us kā ki naqsh-e-āb thā vo

ulaT rahī thiiñ havā.eñ varaq varaq us kā

likhī ga.ī thī jo miTTī pe vo kitāb thā vo

ġhubār-e-rañg-e-talab chhaT gayā to kyā dekhā

sulagtī ret ke sahrā meñ ik sarāb thā vo

sab us kī laash ko ghere hue khaḌe the ḳhamosh

tamām tishna savālāt kā javāb thā vo

vo mere sāmne ḳhanjar-ba-kaf khaḌā thā 'zeb'

maiñ dekhtā rahā us ko ki be-naqāb thā vo

khuli thi aankh samundar ki mauj-e-KHwab tha wo

kahin pata na tha us ka ki naqsh-e-ab tha wo

ulaT rahi thin hawaen waraq waraq us ka

likhi gai thi jo miTTi pe wo kitab tha wo

ghubar-e-rang-e-talab chhaT gaya to kya dekha

sulagti ret ke sahra mein ek sarab tha wo

sab us ki lash ko ghere hue khaDe the KHamosh

tamam tishna sawalat ka jawab tha wo

wo mere samne KHanjar-ba-kaf khaDa tha 'zeb'

main dekhta raha us ko ki be-naqab tha wo