zara si baat pe har ek riwayat toD aaya tha
zarā sī baat pe har ik rivāyat toḌ aayā thā
use chhoḌā nahīñ ḳhud ko usī meñ chhoḌ aayā thā
ḳhalā ke paar phir apnī hī tah meñ bhī talāshā par
na zaḳhmoñ kā koī marham na ġham kā toḌ aayā thā
koī aa.e koī jaa.e kahānī tab ye khultī hai
kisī ne mujh ko chhoḌā maiñ kisī ko chhoḌ aayā thā
gila ab kis liye 'ānan' karūñ bhī to karūñ kis se
ki apnā naam ḳhud hī āñdhiyoñ se joḌ aayā thā
zara si baat pe har ek riwayat toD aaya tha
use chhoDa nahin KHud ko usi mein chhoD aaya tha
KHala ke par phir apni hi tah mein bhi talasha par
na zaKHmon ka koi marham na gham ka toD aaya tha
koi aae koi jae kahani tab ye khulti hai
kisi ne mujh ko chhoDa main kisi ko chhoD aaya tha
gila ab kis liye 'anan' karun bhi to karun kis se
ki apna nam KHud hi aandhiyon se joD aaya tha
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
