ukhDe rahen jab tak miTTi se buniyaad se jab tak hile rahen

ukhḌe raheñ jab tak miTTī se buniyād se jab tak hile raheñ

dīvār ke paaoñ kyā Thahreñ me'mār se ham ko gile raheñ

raste meñ bahut haiñ sang abhī ham aur dikhā leñ rang abhī

gar ḳhuun bahā hai aur bahe gar jism chhile haiñ chhile raheñ

tum uḌte raho be-samt ūñche jhūTe haiñ ḳhalāoñ ke rishte

vābasta rakheñ jo dhartī se apne to vahī silsile raheñ

ham chāroñ samtoñ ke baasī ik fauj hoñ dastoñ kī sūrat

ham chauk ke rastoñ kī sūrat jitne bhī duur hoñ mile raheñ

ye rasm-e-junūñ bhī kaisī hai chehre ālūda-e-ḳhāk raheñ

ham yūñhī garebāñ chaak raheñ aur un ke garebāñ sile raheñ

kyoñ bikeñ kisī guldāñ ke liye ham phuul haiñ apnī maañ ke liye

ham dāman-e-shāḳh se lipTe raheñ murjhā jaa.eñ yā khile raheñ

ukhDe rahen jab tak miTTi se buniyaad se jab tak hile rahen

diwar ke paon kya Thahren me'mar se hum ko gile rahen

raste mein bahut hain sang abhi hum aur dikha len rang abhi

gar KHun baha hai aur bahe gar jism chhile hain chhile rahen

tum uDte raho be-samt unche jhuTe hain KHalaon ke rishte

wabasta rakhen jo dharti se apne to wahi silsile rahen

hum chaaron samton ke basi ek fauj hon daston ki surat

hum chauk ke raston ki surat jitne bhi dur hon mile rahen

ye rasm-e-junun bhi kaisi hai chehre aaluda-e-KHak rahen

hum yunhi gareban chaak rahen aur un ke gareban sile rahen

kyon biken kisi guldan ke liye hum phul hain apni man ke liye

hum daman-e-shaKH se lipTe rahen murjha jaen ya khile rahen