sahra ki samt jaun to sab ko ghaTa lagun

sahrā kī samt jā.ūñ to sab ko ghaTā lagūñ

guzrūñ jo shahr-e-gul se to bād-e-sabā lagūñ

taslīm ke libās meñ muusā kā ho gumān

aa.uuñ jo sar-kashī pe to fir'aun sā lagūñ

maiñ apnī shaḳhsiyat meñ ubhārūñ vo ḳhadd-o-ḳhāl

milte hue bhī sab se sabhoñ se judā lagūñ

mujh ko aqīdatoñ ke darīche se yuuñ na dekh

aisā na ho ki baa'd meñ tujh ko ḳhudā lagūñ

dāman meñ jis ke khilte nahīñ haiñ gul-e-shanāḳht

us kī nigāh meñ ḳhas-o-ḳhāshāk sā lagūñ

maiñ huuñ ġhurūr-e-sho'lagī-e-shams kā shikār

sūkhe hue akele shajar kā tanā lagūñ

sahra ki samt jaun to sab ko ghaTa lagun

guzrun jo shahr-e-gul se to baad-e-saba lagun

taslim ke libas mein musa ka ho guman

aaun jo sar-kashi pe to fir'aun sa lagun

main apni shaKHsiyat mein ubhaarun wo KHadd-o-KHal

milte hue bhi sab se sabhon se juda lagun

mujh ko aqidaton ke dariche se yun na dekh

aisa na ho ki ba'd mein tujh ko KHuda lagun

daman mein jis ke khilte nahin hain gul-e-shanaKHt

us ki nigah mein KHas-o-KHashak sa lagun

main hun ghurur-e-sho'lagi-e-shams ka shikar

sukhe hue akele shajar ka tana lagun