mera muamma gharaz ka hai dastaras ka nahin

mirā mu'amma ġharaz kā hai dastaras kā nahīñ

ki merā 'ishq miyāñ ek do baras kā nahīñ

tujhe milā huuñ to mā'lūm ye huā hai mujhe

ye kār-e-'ishq har ik ḳhūb-rū ke bas kā nahīñ

ham ahl-e-'ishq use mas.ala nahīñ kahte

vo mas.ala jo mohabbat kā hai havas kā nahīñ

bhale maiñ baa'd tire qaid-e-be-amāñ meñ rahūñ

mu'āmla mirī marzī kā hai qafas kā nahīñ

batāo kyā hai maiñ achchhe se jāntā huuñ tumheñ

ye tarz-e-'ishq-o-junūñ merī ham-nafas kā nahīñ

batāyā kartī hai lakḌī se phūTtī koñpal

ki naam 'ishq kā rahtā hai ḳhār-o-ḳhas kā nahīñ

mera mu'amma gharaz ka hai dastaras ka nahin

ki mera 'ishq miyan ek do baras ka nahin

tujhe mila hun to ma'lum ye hua hai mujhe

ye kar-e-'ishq har ek KHub-ru ke bas ka nahin

hum ahl-e-'ishq use masala nahin kahte

wo masala jo mohabbat ka hai hawas ka nahin

bhale main ba'd tere qaid-e-be-aman mein rahun

mu'amla meri marzi ka hai qafas ka nahin

batao kya hai main achchhe se jaanta hun tumhein

ye tarz-e-'ishq-o-junun meri ham-nafas ka nahin

bataya karti hai lakDi se phuTti konpal

ki nam 'ishq ka rahta hai KHar-o-KHas ka nahin