ghubar-e-gul agar dhona na aae

ġhubār-e-gul agar dhonā na aa.e

to shabnam ko kabhī ronā na aa.e

ye dhartī terā ā.īna hai lekin

tujhe to 'aks bhī honā na aa.e

ye kin hāthoñ meñ hai khetoñ kī qismat

vo jin ko biij bhī bonā na aa.e

mujhe iflās kā lohā jakaḌ le

magar is haath meñ sonā na aa.e

unheñ kyā ġhair meñ mā'nī nazar aa.eñ

jinheñ apne sivā honā na aa.e

jidhar bhī shahr meñ niklūñ vahī shor

koī tanhā.ī kā konā na aa.e

ghubar-e-gul agar dhona na aae

to shabnam ko kabhi rona na aae

ye dharti tera aaina hai lekin

tujhe to 'aks bhi hona na aae

ye kin hathon mein hai kheton ki qismat

wo jin ko bij bhi bona na aae

mujhe iflas ka loha jakaD le

magar is hath mein sona na aae

unhen kya ghair mein ma'ni nazar aaen

jinhen apne siwa hona na aae

jidhar bhi shahr mein niklun wahi shor

koi tanhai ka kona na aae