dhup ke saeban mein KHush hain
dhuup ke sā.ebān meñ ḳhush haiñ
ham isī imtihān meñ ḳhush haiñ
ye mahal aap ko mubārak ho
ret ke is makān meñ ḳhush haiñ
jo tirī rif'atoñ se vāqif haiñ
vo hī donoñ jahān meñ ḳhush haiñ
raqs-e-vahshat kā jaam pī kar ham
aap apne jahān meñ ḳhush haiñ
aarzū zabt ḳhvāb husn badan
dil kī har khīñch-tān meñ ḳhush haiñ
ham haiñ shāhoñ ke dar ke kārinde
faqr kī ān-bān meñ ḳhush haiñ
jiit ke phal tumheñ mubārak hoñ
haar kar dāstān meñ ḳhush haiñ
dhup ke saeban mein KHush hain
hum isi imtihan mein KHush hain
ye mahal aap ko mubarak ho
ret ke is makan mein KHush hain
jo teri rif'aton se waqif hain
wo hi donon jahan mein KHush hain
raqs-e-wahshat ka jam pi kar hum
aap apne jahan mein KHush hain
aarzu zabt KHwab husn badan
dil ki har khinch-tan mein KHush hain
hum hain shahon ke dar ke karinde
faqr ki aan-ban mein KHush hain
jit ke phal tumhein mubarak hon
haar kar dastan mein KHush hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
