aaina shola-e-lazzat ka dikhata hai mujhe

aa.ina sho'la-e-lazzat kā dikhātā hai mujhe

shaam Dhalte hī koī jurm bulātā hai mujhe

sirf ḳhālid hī pe markūz nahīñ merī nigāh

har koī ḳhud se gurezāñ nazar aatā hai mujhe

lahr huuñ āb-e-ravāñ kī kisī pyāse kā ḳhayāl

jānib-e-sāhil-e-dariyā liye jaatā hai mujhe

ek chehra jise dekhā bhī nahīñ āñkhoñ ne

raat din shahr kī galiyoñ meñ phirātā hai mujhe

jī meñ aatā hai miTā duuñ use baḌh kar 'āsif'

apne hone kā jo ehsās dilātā hai mujhe

aaina sho'la-e-lazzat ka dikhata hai mujhe

sham Dhalte hi koi jurm bulata hai mujhe

sirf KHalid hi pe markuz nahin meri nigah

har koi KHud se gurezan nazar aata hai mujhe

lahr hun aab-e-rawan ki kisi pyase ka KHayal

jaanib-e-sahil-e-dariya liye jata hai mujhe

ek chehra jise dekha bhi nahin aankhon ne

raat din shahr ki galiyon mein phiraata hai mujhe

ji mein aata hai miTa dun use baDh kar 'asif'

apne hone ka jo ehsas dilata hai mujhe