ye na samjho kisi kuze mein Thahar jaunga

ye na samjho kisī kuuze meñ Thahar jā.ūñgā

maiñ to dariyā huuñ samundar meñ utar jā.ūñgā

sajda-rezī ko pukāregī zamīn-e-maqtal

sar pe dastār-e-junūñ le ke jidhar jā.ūñgā

sar-nigūñ maut bhī ho jā.egī mere aage

sar-ba-kaf kūcha-e-qātil meñ agar jā.ūñgā

maiñ to sūraj huuñ agar toḌ bhī Daalā tum ne

āsmānoñ meñ sitāroñ sā bikhar jā.ūñgā

bār-hā tum na ta'assub se kuredo mujh ko

maiñ to jaltā huā sho'la huuñ biphar jā.ūñgā

raah anjān hai phailā hai añdherā har-sū

tum se bichhḌā to batāo maiñ kidhar jā.ūñgā

chhoḌ kar ziist kī har ek ḳhushī saare ġham

terī duniyā se kisī roz guzar jā.ūñgā

ātish-e-vaqt ne paalā hai baḌe nāzoñ se

ye na samjho kisī tūfān se Dar jā.ūñgā

ye na samjho kisi kuze mein Thahar jaunga

main to dariya hun samundar mein utar jaunga

sajda-rezi ko pukaregi zamin-e-maqtal

sar pe dastar-e-junun le ke jidhar jaunga

sar-nigun maut bhi ho jaegi mere aage

sar-ba-kaf kucha-e-qatil mein agar jaunga

main to suraj hun agar toD bhi Dala tum ne

aasmanon mein sitaron sa bikhar jaunga

bar-ha tum na ta'assub se kuredo mujh ko

main to jalta hua sho'la hun biphar jaunga

rah anjaan hai phaila hai andhera har-su

tum se bichhDa to batao main kidhar jaunga

chhoD kar zist ki har ek KHushi sare gham

teri duniya se kisi roz guzar jaunga

aatish-e-waqt ne pala hai baDe nazon se

ye na samjho kisi tufan se Dar jaunga