wo apna nam likhe kyun hamare nam ke sath
vo apnā naam likhe kyuuñ hamāre naam ke saath
use kaho ki rakhe kaam apne kaam ke saath
sabaq paḌhāyā ye kis ne use ḳhudā jaane
ki ab to naam bhī letā hai ehtirām ke saath
uḌe zamīñ se to ham āsmān chhū aa.e
hameñ shumār karegā tū ḳhās-o-'ām ke saath
ham aise lāzim-o-malzūm haiñ mire mahbūb
ki jaise sub.h kā rishta ho ek shaam ke saath
ga.ī haiñ ghar kī sabhī raunaqeñ kahāñ 'qaisar'
na koī dar pe khaḌā hai na koī baam ke saath
wo apna nam likhe kyun hamare nam ke sath
use kaho ki rakhe kaam apne kaam ke sath
sabaq paDhaya ye kis ne use KHuda jaane
ki ab to nam bhi leta hai ehtiram ke sath
uDe zamin se to hum aasman chhu aae
hamein shumar karega tu KHas-o-'am ke sath
hum aise lazim-o-malzum hain mere mahbub
ki jaise subh ka rishta ho ek sham ke sath
gai hain ghar ki sabhi raunaqen kahan 'qaisar'
na koi dar pe khaDa hai na koi baam ke sath
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
