main dhamkiyon bhara panja maroD sakti hun

maiñ dhamkiyoñ bharā panja maroḌ saktī huuñ

mujhe bhī haq hai ki maiñ tujh ko chhoḌ saktī huuñ

talāq naam kī lā'nat hai to ḳhula’ bhī hai

maiñ apnī marzī se har 'ahd toḌ saktī huuñ

janāb lā.eq-e-tāzīm to baneñ pahle

maiñ apnā sar isī chaukhaT pe phoḌ saktī huuñ

tumheñ to sirf kamāne kī fikr karnī hai

mujhe shu'ūr hai maiñ kaise joḌ saktī huuñ

rah-e-safar meñ rukāvaT agar huī 'ḳhushbū'

ḳhud apnī marzī se qadmoñ ko moḌ saktī huuñ

main dhamkiyon bhara panja maroD sakti hun

mujhe bhi haq hai ki main tujh ko chhoD sakti hun

talaq nam ki la'nat hai to KHula’ bhi hai

main apni marzi se har 'ahd toD sakti hun

janab laeq-e-tazim to banen pahle

main apna sar isi chaukhaT pe phoD sakti hun

tumhein to sirf kamane ki fikr karni hai

mujhe shu'ur hai main kaise joD sakti hun

rah-e-safar mein rukawaT agar hui 'KHushbu'

KHud apni marzi se qadmon ko moD sakti hun