kisi pe war karun main ye meri shan nahin

kisī pe vaar karūñ maiñ ye merī shaan nahīñ

mirī zabāñ to zabāñ hai koī kamān nahīñ

burā jo sun sakeñ aise to mere kaan nahīñ

burā kahūñgī maiñ aisī mirī zabān nahīñ

maiñ un ke naqsh-e-qadam par chalūñ to kaise chalūñ

nikal ga.e haiñ vo aage koī nishān nahīñ

smart phone kī lat lag ga.ī hai bachchoñ ko

paḌhā.ī meñ to zarā sā bhī un kā dhyān nahīñ

hamāre mulk kī pyārī haiñ sab zabāneñ magar

hamārī urdu sī shīrīñ koī zabān nahīñ

vazīfa-yāb huī hai tū jab se ai 'mehrū'

vo pahle jaisī tirī kuchh bhī ān-bān nahīñ

kisi pe war karun main ye meri shan nahin

meri zaban to zaban hai koi kaman nahin

bura jo sun saken aise to mere kan nahin

bura kahungi main aisi meri zaban nahin

main un ke naqsh-e-qadam par chalun to kaise chalun

nikal gae hain wo aage koi nishan nahin

smart phone ki lat lag gai hai bachchon ko

paDhai mein to zara sa bhi un ka dhyan nahin

hamare mulk ki pyari hain sab zabanen magar

hamari urdu si shirin koi zaban nahin

wazifa-yab hui hai tu jab se ai 'mehru'

wo pahle jaisi teri kuchh bhi aan-ban nahin