hae ye kaisa sitam hai dil-e-bimar ke sath
haa.e ye kaisā sitam hai dil-e-bīmār ke saath
vasl mumkin na huā phir kabhī dīdār ke saath
dil kī duniyā meñ kisī ko nahīñ aane deñge
zindagī tujh ko guzāreñge ab aġhyār ke saath
tum ye kis vahm-o-gumāñ meñ ho mire shahzāde
husn Dhal jā.egā sab vaqt kī raftār ke saath
mere misre' mire jazbāt kī akkāsī haiñ
karb mahsūs karo tum mire ash'ār ke saath
merā āñchal mirī 'izzat hai salāmat rakhnā
sar utārūñgī vagarna tirā dastār ke saath
us ne aise diyā 'almās' mohabbat kā javāb
us meñ iqrār bhī poshīda thā inkār ke saath
hae ye kaisa sitam hai dil-e-bimar ke sath
wasl mumkin na hua phir kabhi didar ke sath
dil ki duniya mein kisi ko nahin aane denge
zindagi tujh ko guzarenge ab aghyar ke sath
tum ye kis wahm-o-guman mein ho mere shahzade
husn Dhal jaega sab waqt ki raftar ke sath
mere misre' mere jazbaat ki akkasi hain
karb mahsus karo tum mere ash'ar ke sath
mera aanchal meri 'izzat hai salamat rakhna
sar utarungi wagarna tera dastar ke sath
us ne aise diya 'almas' mohabbat ka jawab
us mein iqrar bhi poshida tha inkar ke sath
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
