dil talab-gar-e-tamasha-e-mohabbat bhi nahin

dil talab-gār-e-tamāshā-e-mohabbat bhī nahīñ

dasht meñ aur ḳharābe kī zarūrat bhī nahīñ

shaam paḌte hī chale jaatā huuñ ḳhalvat-gah meñ

mujh ko hālāñki koī zauq-e-'ibādat bhī nahīñ

ye taqāzā bhī hai us kā ki maiñ motī lā.ūñ

aur dariyā meñ utarne kī ijāzat bhī nahīñ

kitnā be-bas huuñ tujhe ruḳhsat-e-mutlaq de dī

kitnā be-ḳhauf huuñ ehsās-e-nadāmat bhī nahīñ

ye hī sach baat ki tū dil meñ nahīñ rahtā ab

jhuuT kahne kī mujhe ḳhair se 'ādat bhī nahīñ

mere sūraj tire jaane se ḳhasāre hue do

raushnī bhī na rahī aur harārat bhī nahīñ

koī tauhīn kare merī ye bardāsht nahīñ

ye alag baat ki maiñ lā.iq-e-mid.hat bhī nahīñ

jis kī ḳhātir maiñ dalīleñ hī diye jaatā huuñ

hāsil us shaḳhs kī ik pal kī himāyat bhī nahīñ

shaam hote hī tire ghar kī taraf dekhtā huuñ

mujh parinde kī badal paa.ī ye 'ādat bhī nahīñ

merī auqāt kahāñ itnī ki tū mujh ko mile

vaise auqāt se baḌh kar mujhe hājat bhī nahīñ

dil talab-gar-e-tamasha-e-mohabbat bhi nahin

dasht mein aur KHarabe ki zarurat bhi nahin

sham paDte hi chale jata hun KHalwat-gah mein

mujh ko haalanki koi zauq-e-'ibaadat bhi nahin

ye taqaza bhi hai us ka ki main moti laun

aur dariya mein utarne ki ijazat bhi nahin

kitna be-bas hun tujhe ruKHsat-e-mutlaq de di

kitna be-KHauf hun ehsas-e-nadamat bhi nahin

ye hi sach baat ki tu dil mein nahin rahta ab

jhuT kahne ki mujhe KHair se 'adat bhi nahin

mere suraj tere jaane se KHasare hue do

raushni bhi na rahi aur hararat bhi nahin

koi tauhin kare meri ye bardasht nahin

ye alag baat ki main laiq-e-midhat bhi nahin

jis ki KHatir main dalilen hi diye jata hun

hasil us shaKHs ki ek pal ki himayat bhi nahin

sham hote hi tere ghar ki taraf dekhta hun

mujh parinde ki badal pai ye 'adat bhi nahin

meri auqat kahan itni ki tu mujh ko mile

waise auqat se baDh kar mujhe hajat bhi nahin