are mohabbat teri zarurat kabhi nahin thi kabhi na hogi

are mohabbat tirī zarūrat kabhī nahīñ thī kabhī na hogī

mire to dil meñ kisī kī chāhat kabhī nahīñ thī kabhī na hogī

sabhī ko apnā hī maiñ ne samjhā sabhī ko apnā hī maiñ ne jaanā

suno kisī se mujhe ḳhusūmat kabhī nahīñ thī kabhī na hogī

jafā ke badle vafā hī kī hai nahīñ kisī ko satāyā maiñ ne

shurū' se merī aisī ḳhaslat kabhī nahīñ thī kabhī na hogī

janam ke din se mujhe mile haiñ qadam qadam pe ġhamoñ ke saa.e

mujhe ġhamoñ se milī barā.at kabhī nahīñ thī kabhī na hogī

tumhāre kahne pe kis tarah se maiñ muskurāne kī kartā koshish

hañsī kī 'qaisar' mujhe riyāzat kabhī nahīñ thī kabhī na hogī

are mohabbat teri zarurat kabhi nahin thi kabhi na hogi

mere to dil mein kisi ki chahat kabhi nahin thi kabhi na hogi

sabhi ko apna hi main ne samjha sabhi ko apna hi main ne jaana

suno kisi se mujhe KHusumat kabhi nahin thi kabhi na hogi

jafa ke badle wafa hi ki hai nahin kisi ko sataya main ne

shuru' se meri aisi KHaslat kabhi nahin thi kabhi na hogi

janam ke din se mujhe mile hain qadam qadam pe ghamon ke sae

mujhe ghamon se mili baraat kabhi nahin thi kabhi na hogi

tumhaare kahne pe kis tarah se main muskurane ki karta koshish

hansi ki 'qaisar' mujhe riyazat kabhi nahin thi kabhi na hogi