ahd-e-rafta se hun lekin main naya aadmi hun

'ahd-e-rafta se huuñ lekin maiñ nayā aadmī huuñ

sab ke jaisā huuñ magar sab se judā aadmī huuñ

mere lahje kī udāsī nahīñ jaane vaalī

maiñ zamāne se nahīñ ḳhud se ḳhafā aadmī huuñ

chhoTe logoñ ne hamesha mujhe chhoTā samjhā

maiñ baḌe logoñ ke nazdīk baḌā aadmī huuñ

nisbat-e-hazrat-e-ādam ko nibhānā bhī to hai

maiñ ne har haal meñ karnī hai ḳhatā aadmī huuñ

tum bhī duniyā ke satā.e hue lagte ho mujhe

maiñ bhī andar se bahut TuuTā huā aadmī huuñ

'ahd-e-rafta se hun lekin main naya aadmi hun

sab ke jaisa hun magar sab se juda aadmi hun

mere lahje ki udasi nahin jaane wali

main zamane se nahin KHud se KHafa aadmi hun

chhoTe logon ne hamesha mujhe chhoTa samjha

main baDe logon ke nazdik baDa aadmi hun

nisbat-e-hazrat-e-adam ko nibhana bhi to hai

main ne har haal mein karni hai KHata aadmi hun

tum bhi duniya ke satae hue lagte ho mujhe

main bhi andar se bahut TuTa hua aadmi hun