aawara phiren kucha-e-dil-dar ke hote
āvāra phireñ kūcha-e-dil-dār ke hote
kyuuñ jaa.eñ kahīñ ham tirī dīvār ke hote
duniyā mujhe nādār samajhtī hai to samjhe
kyuuñ fikr karūñ chashm-e-guhar-bār ke hote
tauhīn hai ye dast-e-du'ā kī mire nazdīk
māñge koī kuchh aur tire pyaar ke hote
ye haal tirī bazm kā dekhā nahīñ jaatā
bāzār hai vīrān ḳharīdār ke hote
ye daulat-e-bedād kahāñ sab ko mayassar
ab chāhiye kyā aur ġham-e-yār ke hote
fikr apnī nahīñ fikr hai nāmūs-e-vafā kī
ye haal hamārā tirī sarkār ke hote
kyā is se sivā hogī 'zafar' shūmī-e-taqdīr
be-āsrā ham haiñ nigah-e-yār ke hote
aawara phiren kucha-e-dil-dar ke hote
kyun jaen kahin hum teri diwar ke hote
duniya mujhe nadar samajhti hai to samjhe
kyun fikr karun chashm-e-guhar-bar ke hote
tauhin hai ye dast-e-du'a ki mere nazdik
mange koi kuchh aur tere pyar ke hote
ye haal teri bazm ka dekha nahin jata
bazar hai viran KHaridar ke hote
ye daulat-e-bedad kahan sab ko mayassar
ab chahiye kya aur gham-e-yar ke hote
fikr apni nahin fikr hai namus-e-wafa ki
ye haal hamara teri sarkar ke hote
kya is se siwa hogi 'zafar' shumi-e-taqdir
be-asra hum hain nigah-e-yar ke hote
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
