kashti ko bhi dekhun main kinaron ko bhi dekhun
kashtī ko bhī dekhūñ maiñ kināroñ ko bhī dekhūñ
rāhoñ kī tapish rāh-guzāroñ ko bhī dekhūñ
dekhā hai tumheñ aaj to kaise hai ye mumkin
maiñ āsmāñ pe chāñd sitāroñ ko bhī dekhūñ
jis raah pe lag jaatī hai īmān kī bolī
us raah pe chaltā huā yāroñ ko bhī dekhūñ
honā koī mahtāb miyāñ sahl nahīñ hai
raushan bhī rahūñ raat ke māroñ ko bhī dekhūñ
mumkin hai ki jis saf meñ mirā ḳhuun bahegā
us saf meñ khaḌe jaan se pyāroñ ko bhī dekhūñ
kashti ko bhi dekhun main kinaron ko bhi dekhun
rahon ki tapish rah-guzaron ko bhi dekhun
dekha hai tumhein aaj to kaise hai ye mumkin
main aasman pe chand sitaron ko bhi dekhun
jis rah pe lag jati hai iman ki boli
us rah pe chalta hua yaron ko bhi dekhun
hona koi mahtab miyan sahl nahin hai
raushan bhi rahun raat ke maron ko bhi dekhun
mumkin hai ki jis saf mein mera KHun bahega
us saf mein khaDe jaan se pyaron ko bhi dekhun
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
