apne KHun se sinchte jis ko zamana ho gaya
apne ḳhuuñ se sīñchte jis ko zamāna ho gayā
yaad kā vo peḌ bhī ab to purānā ho gayā
jal rahā huuñ maiñ ghane jangal kī ThanDī chhāñv meñ
kyā daraḳhtoñ kā chalan bhī dostāna ho gayā
maiñ sukūn-e-dil kī ḳhātir shahr meñ aa kar basā
shahr kā har fard jangal ko ravāna ho gayā
pahle bhī maujoñ kī sāhil se kahāñ thī dostī
merā patthar pheñknā to ik bahāna ho gayā
un ke tevar dekh kar ġhairat mirī bal khā ga.ī
is liye to merā lahja jārihāna ho gayā
us kī dīvāroñ se mujh ko ḳhauf aatā hai 'ra.ūf'
jis makāñ meñ mujh ko rahte ik zamāna ho gayā
apne KHun se sinchte jis ko zamana ho gaya
yaad ka wo peD bhi ab to purana ho gaya
jal raha hun main ghane jangal ki ThanDi chhanw mein
kya daraKHton ka chalan bhi dostana ho gaya
main sukun-e-dil ki KHatir shahr mein aa kar basa
shahr ka har fard jangal ko rawana ho gaya
pahle bhi maujon ki sahil se kahan thi dosti
mera patthar phenkna to ek bahana ho gaya
un ke tewar dekh kar ghairat meri bal kha gai
is liye to mera lahja jarihana ho gaya
us ki diwaron se mujh ko KHauf aata hai 'rauf'
jis makan mein mujh ko rahte ek zamana ho gaya
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
