us taraf jin ka iltifat nahin
us taraf jin kā iltifāt nahīñ
dil ke darpe na hoñ to baat nahīñ
ik zarā guftugū se haiñ mahrūm
varna kyā kyā mu'āmalāt nahīñ
kuchh na dekhūñ ki tum raho maujūd
aañkh uThā.ūñ to kā.ināt nahīñ
sozish-e-zaḳhm-e-ārzū kā 'ilāj
maut kyuuñ ho agar hayāt nahīñ
kuchh na pūchho to laakh shikve haiñ
pūchh dekho to koī baat nahīñ
daaġh haiñ dil ke dekhe-bhāle se
koī aise navādirāt nahīñ
roz ik-tarfa kā.ināt banī
roz ik-tarfa kā.ināt nahīñ
bāġhbāñ bāġhbāñ pe hai mauqūf
gulsitāñ gulsitāñ kī baat nahīñ
ḳhuub haiñ apnī zaat se kuchh log
varna ham se bhī be-sifāt nahīñ
us taraf jin ka iltifat nahin
dil ke darpe na hon to baat nahin
ek zara guftugu se hain mahrum
warna kya kya mu'amalat nahin
kuchh na dekhun ki tum raho maujud
aankh uThaun to kainat nahin
sozish-e-zaKHm-e-arzu ka 'ilaj
maut kyun ho agar hayat nahin
kuchh na puchho to lakh shikwe hain
puchh dekho to koi baat nahin
dagh hain dil ke dekhe-bhaale se
koi aise nawadiraat nahin
roz ik-tarfa kainat bani
roz ik-tarfa kainat nahin
baghban baghban pe hai mauquf
gulsitan gulsitan ki baat nahin
KHub hain apni zat se kuchh log
warna hum se bhi be-sifat nahin
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
