siskiyan bhar ke lab udas hue
siskiyāñ bhar ke lab udaas hue
ye mire dost jab udaas hue
pūchhtā koī to batāte ham
kab hañse aur kab udaas hue
sadiyoñ pahle chalā gayā thā vo shaḳhs
aur ik aap ab udaas hue
qahqahoñ se manāyā sog tirā
raat ham bhī 'ajab udaas hue
dil ki bhar aayā phir bhī ro.e nahīñ
ḳhud ko samjhāyā kab udaas hue
tere jaane pe kuchh hue 'aḳhtar'
kuchh to mere sabab udaas hue
siskiyan bhar ke lab udas hue
ye mere dost jab udas hue
puchhta koi to batate hum
kab hanse aur kab udas hue
sadiyon pahle chala gaya tha wo shaKHs
aur ek aap ab udas hue
qahqahon se manaya sog tera
raat hum bhi 'ajab udas hue
dil ki bhar aaya phir bhi roe nahin
KHud ko samjhaya kab udas hue
tere jaane pe kuchh hue 'aKHtar'
kuchh to mere sabab udas hue
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
