dil pe ek turfa qayamat karna
dil pe ik turfa qayāmat karnā
muskurāte hue ruḳhsat karnā
achchhī āñkheñ jo milī haiñ us ko
kuchh to lāzim huā vahshat karnā
jurm kis kā thā sazā kis ko milī
kyā ga.ī baat pe hujjat karnā
kaun chāhegā tumheñ merī tarah
ab kisī se na mohabbat karnā
jaise auroñ se milā karte ho
ham se milne kī bhī sūrat karnā
ghar kā darvāza khulā rakkhā hai
vaqt mil jaa.e to zahmat karnā
dil pe ek turfa qayamat karna
muskuraate hue ruKHsat karna
achchhi aankhen jo mili hain us ko
kuchh to lazim hua wahshat karna
jurm kis ka tha saza kis ko mili
kya gai baat pe hujjat karna
kaun chahega tumhein meri tarah
ab kisi se na mohabbat karna
jaise auron se mila karte ho
hum se milne ki bhi surat karna
ghar ka darwaza khula rakkha hai
waqt mil jae to zahmat karna
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
