chalta rahta hai raat bhar KHamosh
chaltā rahtā hai raat bhar ḳhāmosh
raushnī bāñTtā qamar ḳhāmosh
log āñkhoñ se baat karte haiñ
aur lagtī hai har nazar ḳhāmosh
kaise TūTegā ye sukūt āḳhir
muddatoñ se haiñ bām-o-dar ḳhāmosh
zindagī ke dayār se haT kar
aur karnā hai ik safar ḳhāmosh
jiine degī na tum ko ye duniyā
zulm suhte raheñ agar ḳhāmosh
saḳhtiyāñ mausamoñ kī sah kar bhī
bāñTtā hai samar shajar ḳhāmosh
be-vajah bolne se kyā hāsil
ho gayā vo ye bol kar ḳhāmosh
be-hunar kar rahe the hangāma
aur 'rāshid' the bā-hunar ḳhāmosh
chalta rahta hai raat bhar KHamosh
raushni banTta qamar KHamosh
log aankhon se baat karte hain
aur lagti hai har nazar KHamosh
kaise TuTega ye sukut aaKHir
muddaton se hain baam-o-dar KHamosh
zindagi ke dayar se haT kar
aur karna hai ek safar KHamosh
jine degi na tum ko ye duniya
zulm suhte rahen agar KHamosh
saKHtiyan mausamon ki sah kar bhi
banTta hai samar shajar KHamosh
be-wajah bolne se kya hasil
ho gaya wo ye bol kar KHamosh
be-hunar kar rahe the hangama
aur 'rashid' the ba-hunar KHamosh
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
