mere pairon mein jo beDi paDi hai
mire pairoñ meñ jo beḌī paḌī hai
ḳhirad-mandī nahīñ dīvāngī hai
munazzam kārvāñ ho kaise koī
ki zehnoñ meñ baḌī be-rah-ravī hai
hazāroñ nā-ḳhudā hote haiñ jis ke
vahī kashtī to aksar Dūbtī hai
jo kaam aa jaa.e yaaro dūsroñ ke
haqīqat meñ vahī to zindagī hai
hujūm-e-ġham meñ bhī maiñ hañs rahā huuñ
mujhe hairat se duniyā dekhtī hai
na pūchho ham se apne ġham kī qīmat
tumhārā ġham hamārī zindagī hai
nazar aa.e na kyuuñ mai-ḳhāna vīrāñ
na vo saaqī na shān-e-mai-kashī hai
na jaane kab luTā shab kā musāfir
na jaane kab se shabnam ro rahī hai
mere pairon mein jo beDi paDi hai
KHirad-mandi nahin diwangi hai
munazzam karwan ho kaise koi
ki zehnon mein baDi be-rah-rawi hai
hazaron na-KHuda hote hain jis ke
wahi kashti to aksar Dubti hai
jo kaam aa jae yaro dusron ke
haqiqat mein wahi to zindagi hai
hujum-e-gham mein bhi main hans raha hun
mujhe hairat se duniya dekhti hai
na puchho hum se apne gham ki qimat
tumhaara gham hamari zindagi hai
nazar aae na kyun mai-KHana viran
na wo saqi na shan-e-mai-kashi hai
na jaane kab luTa shab ka musafir
na jaane kab se shabnam ro rahi hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
