wo shayad aazmana chahta hai

vo shāyad āzmānā chāhtā hai

mujhe phir se rulānā chāhtā hai

na.e ahbāb se uktā gayā hai

ta'alluq phir purānā chāhtā hai

vo mujh se chāhtā hai duur honā

magar manzar suhānā chāhtā hai

koī to baat aisī hai jo dil-bar

ishāroñ meñ batānā chāhtā hai

mirī ḳhushiyoñ se dil-bardāshta hai

mirī kuTiyā jalānā chāhtā hai

use ehsās shāyad ho gayā hai

mirī bāñhoñ meñ aanā chāhtā hai

mohabbat to rahī hai donoñ jānib

na-jāne kyā jatānā chāhtā hai

koī nazreñ milāne par tulā hai

koī nazreñ churānā chāhtā hai

maiñ qadmoñ par khaḌā huuñ aaj 'qaisar'

to vo phir se girānā chāhtā hai

wo shayad aazmana chahta hai

mujhe phir se rulana chahta hai

nae ahbab se ukta gaya hai

ta'alluq phir purana chahta hai

wo mujh se chahta hai dur hona

magar manzar suhana chahta hai

koi to baat aisi hai jo dil-bar

ishaaron mein batana chahta hai

meri KHushiyon se dil-bardashta hai

meri kuTiya jalana chahta hai

use ehsas shayad ho gaya hai

meri banhon mein aana chahta hai

mohabbat to rahi hai donon jaanib

na-jaane kya jatana chahta hai

koi nazren milane par tula hai

koi nazren churana chahta hai

main qadmon par khaDa hun aaj 'qaisar'

to wo phir se girana chahta hai