justuju jis ki thi usko to na paya humne

justujū jis kī thī us ko to na paayā ham ne

is bahāne se magar dekh lī duniyā ham ne

sab kā ahvāl vahī hai jo hamārā hai aaj

ye alag baat ki shikva kiyā tanhā ham ne

ḳhud pashīmān hue ne use sharminda kiyā

ishq kī vaz.a ko kyā ḳhuub nibhāyā ham ne

kaun sā qahr ye āñkhoñ pe huā hai nāzil

ek muddat se koī ḳhvāb na dekhā ham ne

umr bhar sach hī kahā sach ke sivā kuchh na kahā

ajr kyā is kā milegā ye na sochā ham ne

justuju jis ki thi us ko to na paya hum ne

is bahane se magar dekh li duniya hum ne

sab ka ahwal wahi hai jo hamara hai aaj

ye alag baat ki shikwa kiya tanha hum ne

KHud pashiman hue ne use sharminda kiya

ishq ki waza ko kya KHub nibhaya hum ne

kaun sa qahr ye aankhon pe hua hai nazil

ek muddat se koi KHwab na dekha hum ne

umr bhar sach hi kaha sach ke siwa kuchh na kaha

ajr kya is ka milega ye na socha hum ne