nashw-o-numa ka har koi haqdar kyun nahin

nashv-o-numā kā har koī haqdār kyuuñ nahīñ

har raah sab ke vāste hamvār kyuuñ nahīñ

ḳhāmosh rah sake na 'ajab rang dekh kar

varna hameñ lihāz-e-ruḳh-e-yār kyuuñ nahīñ

is tarz-e-barhamī se hameñ iḳhtilāf hai

varna ḳhayāl-e-ḳhātir-e-sarkār kyuuñ nahīñ

sab kuchh agar hai Thiik to phir ye savāl hai

ahl-e-nazar bhī tere taraf-dār kyuuñ nahīñ

kartā nahīñ zamāna kisī ko kabhī mu'āf

terī nazar meñ vaqt kī raftār kyuuñ nahīñ

jis sar-zamīñ se pyaar kā dā'vā tujhe hai aaj

us sar-zamīñ ke bāsiyoñ se pyaar kyuuñ nahīñ

paudā to hai daraḳht kī sūrat meñ sāmne

lekin koī bhī shāḳh samar-bār kyuuñ nahīñ

zālim ko yaad karte haiñ zālim ke naam se

'rūhī' 'ayāñ hai ḳhush vo sitam-gār kyuuñ nahīñ

nashw-o-numa ka har koi haqdar kyun nahin

har rah sab ke waste hamwar kyun nahin

KHamosh rah sake na 'ajab rang dekh kar

warna hamein lihaz-e-ruKH-e-yar kyun nahin

is tarz-e-barhami se hamein iKHtilaf hai

warna KHayal-e-KHatir-e-sarkar kyun nahin

sab kuchh agar hai Thik to phir ye sawal hai

ahl-e-nazar bhi tere taraf-dar kyun nahin

karta nahin zamana kisi ko kabhi mu'af

teri nazar mein waqt ki raftar kyun nahin

jis sar-zamin se pyar ka da'wa tujhe hai aaj

us sar-zamin ke basiyon se pyar kyun nahin

pauda to hai daraKHt ki surat mein samne

lekin koi bhi shaKH samar-bar kyun nahin

zalim ko yaad karte hain zalim ke nam se

'ruhi' 'ayan hai KHush wo sitam-gar kyun nahin