jhukta hai munafiq bhi aqidat mein hamari
jhuktā hai munāfiq bhī 'aqīdat meñ hamārī
mil jaatā hai jab shar bhī sharāfat meñ hamārī
mahshar meñ sunā.eñge suḳhan apne ḳhudā ko
ye ziist to guzregī riyāzat meñ hamārī
insāf kahāñ DhūñDh rahe ho mire logo
ye chiiz nahīñ miltī riyāsat meñ hamārī
sab haar ke bhī dekh ki haare nahīñ lagte
'izzat bhī to bantī hai hazīmat meñ hamārī
bāzār-e-mohabbat meñ use choT lagī jab
vo lauT ke aa.egā hifāzat meñ hamārī
tum ġhaur se paḌhte to samajhte dil-e-nādāñ
saada sī do bāteñ thī 'ibārat meñ hamārī
jhukta hai munafiq bhi 'aqidat mein hamari
mil jata hai jab shar bhi sharafat mein hamari
mahshar mein sunaenge suKHan apne KHuda ko
ye zist to guzregi riyazat mein hamari
insaf kahan DhunDh rahe ho mere logo
ye chiz nahin milti riyasat mein hamari
sab haar ke bhi dekh ki haare nahin lagte
'izzat bhi to banti hai hazimat mein hamari
bazar-e-mohabbat mein use choT lagi jab
wo lauT ke aaega hifazat mein hamari
tum ghaur se paDhte to samajhte dil-e-nadan
sada si do baaten thi 'ibarat mein hamari
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
