har gunah-gar parsa hoga
har gunah-gār pārsā hogā
ye adālat kā faisla hogā
us ko ġhaddār maanā jā.egā
jis ke hāthoñ meñ aa.ina hogā
raat bhar qahqahe lagātā hai
ho na ho koī ġham-zada hogā
ye ḳhabar sun ke hañs paḌā sūraj
kal charāġhoñ meñ mashvara hogā
us kī bātoñ se aisā lagtā thā
pahle vo bādshah rahā hogā
ab vahī pā.egā vaqār 'samar'
jo ki tahzīb-yāfta hogā
har gunah-gar parsa hoga
ye adalat ka faisla hoga
us ko ghaddar mana jaega
jis ke hathon mein aaina hoga
raat bhar qahqahe lagata hai
ho na ho koi gham-zada hoga
ye KHabar sun ke hans paDa suraj
kal charaghon mein mashwara hoga
us ki baaton se aisa lagta tha
pahle wo baadshah raha hoga
ab wahi paega waqar 'samar'
jo ki tahzib-yafta hoga
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
