ab nau-KHirad jawan hai uljha junun se
ab nau-ḳhirad javān hai uljhā junūn se
tum ko shikast degā vo 'ilm-o-funūn se
khultī nahīñ girah jo lagā.ī ho vaqt ne
bach ke guzar sakā na koī is fusūn se
bechā zamīr ham ne to ik chīḳh sī uThī
ye āḳhrī pukār thī dil ke darūn se
dhartī pe zaḳhm bo.e the ugte kahāñ se gul
maqtal ko ham ne sīñchā hai apne hī ḳhuun se
zālim kisī bhī daur kā ho bhūltā nahīñ
dekho yazīd yaad hai kitne qurūn se
'saulat' hai koī saaya ki aaseb shahr par
sote nahīñ haiñ log yahāñ par sukūn se
ab nau-KHirad jawan hai uljha junun se
tum ko shikast dega wo 'ilm-o-funun se
khulti nahin girah jo lagai ho waqt ne
bach ke guzar saka na koi is fusun se
becha zamir hum ne to ek chiKH si uThi
ye aaKHri pukar thi dil ke darun se
dharti pe zaKHm boe the ugte kahan se gul
maqtal ko hum ne sincha hai apne hi KHun se
zalim kisi bhi daur ka ho bhulta nahin
dekho yazid yaad hai kitne qurun se
'saulat' hai koi saya ki aaseb shahr par
sote nahin hain log yahan par sukun se
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
